康文新場地 — 圓洲角體育館

聖誕快樂 !!

四日連假留港休養生息 …… 新界妹直頭連出九龍都嫌遠～今天去了康文署的新場地視察

登登 … 圓洲角綜合大樓暨體育館兼社區會堂兼圖書館自修室停車場 etc.
(地址: 威爾斯附近 聖羅撒對面, 識路既你一聽應該已好清楚。唔識既, GOOGLE MAP 啦 xd)

基於我熱愛使用政府免費/平價資源, 有個全新既「山景健身室」真係無可能唔去睇

結果無令我失望，宜家啲綜合大樓真係好方便呢。唔計體育設施，最基本有齊冷氣wifi乾淨廁所浴室水機大量凳 etc. 唔怕悶真係想 hea幾耐都得

呢個新場除左一般standard野, 包括健身室 (max capacity : 30, 15 月票 + 15 時鐘。有玩開康文尖就知我講乜) & 主場 (可作為 籃球場 x 2 or 羽毛球場 x 8) & 活動室 & 兒童遊戲室 (超大, 可容納 小朋友 + 1 大人 共 20 pair, 即共 40 人。每節 25 分鐘) …

仲有, 室內草地滾球場 , & 室外攀石牆  … !!  同埋, 都算係靚的平台花園 & 觀景 LIFT

大樓正門大概是這樣 ..

主場在左邊, 往健身室及活動室則要從一樓過天橋到右邊大樓

哈哈, 感覺還欠個泳池及運動場就齊全了 :) .. 愉翠苑居民可以瘋狂做運動 !!

圖書館預計下年開放 … 要密切留意然後再黎瘋狂借新書 .. ～

 其實第一城站附近都幾多學校的，近至林大輝，遠至恒管。

多些文娛康樂設施總是好事  :)

今日下午目測 … 羽毛球場一貫全爆，兒童遊戲室都多人排隊，健身室未算好多人應該不足十個 … 沙田既朋友，得閒黎支持下喇喂 ～ 遲啲多人左想做個尖都唔容易呀 !

***************

FACEBOOK: 屋邨妹看世界

U Blog: 尤記。猶記

初探烏蛟騰

住在大埔廿多年，因著不是外向好動跳跳紮的人，一直未曾踏足新界東北那些瑰寶似的美景

近日被大台黃德斌兩滴眼淚一句「年少多好　時間多恐怖」感動，加上聞說烏蛟騰也有紅葉看，終於動身走一趙。

九半大埔墟站集合，還施施然到美心吃了個早餐(大家樂大快活美心三間黎講美心真係排第尾)。

吃飽飽搭20R直達烏蛟騰路，呢架綠VAN，平日係個半鐘一班的，假日會視乎人流不定時加班。簡單黎講是沒得捉路的，不過我經驗兩次搭佢都算唔使點等，遊人雖多，但好快兩架車孖住黎就上到車LU

車程不短，但也好快到。落車位置是沒有其他公共交通工具的，假日行走的276R也只會入到新娘潭喔。

起行： 烏蛟騰＞九担租＞犁頭石＞三椏灣＞下苗田＞上苗田＞九担租＞烏蛟騰 (REF: http://www.oasistrek.com/sam_a_wan.php)

起點大概是這樣

這條線是要走回頭路的。簡單黎講，叫做上路入，下路出。都幾開心自己可以無穿無爛無事無幹完成到 :) 雖知道尋日睇中醫才被話緊 體質好弱呢…

過了九担租村不久就在草地遇上紅葉　:)

以我主觀感覺，比較路程人流周邊環境，這裡確實不輸大棠。差的只是樹木比較高大難影相，氣溫亦未夠低使樹葉全變色吧。

呵呵，不過如果一心想入烏蛟騰影紅葉的話，走到這裡已經可以回程了。也不用再去甚麼犁頭石三椏灣。想輕鬆走走健行舒展筋骨，也可以選擇回頭走另一方向到新娘潭呢。(REF: http://www.oasistrek.com/mirror_pool.php)

但由於新娘潭那條路線去年已走過，今次還是想給自己一點進步走得更遠。題外話一句，想看紅葉的話中大未圓湖也是一個很好的選擇。

說回原定路線，這條路其實唔太算行山，高低起伏相差無幾，上路有梯級，下路有海邊。全程路牌指示清晰，分岔路近乎沒有，不用擔心迷路問題。只是上下路的山徑也大都很狹窄只容一人通過，遇上對頭山友就有一方要迴避了。

大部份時間被兩側林蔭包圍，還是有一點點開揚景致的

入到三椏村環境是很不錯的，「呢度好那些年好似去左台南咁呀」 哈哈，感覺就是有點鄉下啦。

坐低食個包看看風景，都已經一點幾喇。為怕自己腳程太慢想預鬆啲時間回程，睇多陣影陣相就走LU

回程時下路的風光：

行熟了步伐心情與腳步也更輕鬆

補回一張上下路分岔口 …
(左邊上路，右邊下路這個很好懂吧 XD ~)

記住見到這個梅花椿就是上下路分岔口啦 !!

重走今早的路程回到20R小巴站，目測我們要等第二架不知幾點到的小巴才可登車，也難得見到空載綠的在兜客。說時遲那時快隊伍前方山友問我們要不要夾車，二話不說跳上去啦喂咩事先。

原來大家都大埔人，仲好可以去大中落唔使去大埔墟～$95車資，位位廿蚊皆大歡喜 :)

行程到此結束，哈哈。願望是keep住好天氣好力氣多多益善多多親近大自然 ^V^

**************

FACEBOOK: 屋邨妹看世界

U Blog: 尤記。猶記