今日係最後一日有預定行程的日子，非常之咁輕鬆。
本來想8點起身結果訓多一粒鐘，好生活就是應該這樣無壓力呀。
坐返奈良近鐵，去到奈良再轉巴士，第一站：唐招提寺。
好友之前定行程既時候，我好興奮咁話「喂有一個寺我識喎 !!!」
係喇，就係今日去既唐招提寺。點解識佢呀喂？ 就係因為考過「普通話水平測試」
朗讀作品 24 號 嚴文井《蓮花和櫻花》 … 也是我很喜歡的篇章喔
可能因為唔就腳，也因為唔近其他景點，也可能因為係平日 …. 總之寺內好少遊客呢
十分輕鬆十分舒服十分自在，呢度係其中一個我很喜歡的景點。
看了 “存放鑑真遺像的那個院子＂，也見到了 “中國的蓮花開在日本”
書本上讀過的都活生生在眼前，異常的美好。
事前沒讀過鑑真的歷史，旅程中好友告訴我他六次東渡的事蹟，真的感到肅然起敬。
逗留了一個上午，向下一站法隆寺進發。
夾啱時間去坐一小時才有一班的巴士，車站感覺非常咁日本 feel …好似大雄啲屋咁:P
下一站：屬於飛鳥時代的法隆寺
老老實實，今次旅程去左：
東寺 清水寺 醍醐寺 金閣寺 興福寺 東大寺 唐招提寺 法隆寺
二條城 祇園
春日大社 八阪神社 伏見稻荷大社
睇到後來，真係有D分唔清楚邊個塔還邊個塔, 邊個寺還邊個寺…
不過總括黎講，去左好多好值得去既地方，實地感受一下那份歷史感
對自詡文史人既我黎講，係一次好好既遊歷。
同埋，日本真係好舒服 haha
可能之後都想一年去一次，唔過份丫。
************
U blog: 尤記。猶記FACEBOOK: 屋邨妹看世界
IG: yaukeeyk
