沒養份但滿足感十分的澳門line friends展覽

朋友都知我喜歡line friends，今個暑假澳門新濠影滙舉辦了line friends展覽，於是追星追到澳門。

這次展覽以旅遊為主題，一眾 line friends 朋友都扮成了不同角色。最矚目的當然是熊大機長與Cony空姐，戴上cap帽的莎莉也很可愛～

展覽場地不大，但設計都很用心，由一入場的boarding gate、機艙，然後到了不同的旅遊場景，沙漠、雪地、櫻花橋等等 ….

其中的冰屋以音響與燈光效果營造出星空，但由於設計所限內裡熱得很 … 一點冰屋的感覺也沒有。

除了售賣紀念品，展覽場中有四個不同的小遊戲，可以憑券參與換禮品。遊戲也是有心思的，不過消費真的不便宜，line fans以外的朋友應該不覺吸引，就不多介紹了。

分享一下照片:

****************

U blog: 尤記。猶記
Blogspot: 尤記。猶記
IG: yaukeeyk
FACEBOOK: 屋邨妹看世界

兩日一夜澳門遊【新濠影滙、巴黎人、JW Urban Kitchen】

五月中，酷熱天氣警告初起那個周末和奀仔到了澳門一遊（上年抽中啲旅遊禮券仲剩$2,000未用，就輕輕鬆鬆用埋佢啦）。

去澳門輕鬆遊，不外乎住下酒店食下buffet。$2,000 (補多少少)足夠book到《新濠影滙 明星滙》雙人房一晚（連蝙蝠俠夜神飛馳4D體驗兩位 + $200 coupon）及金光飛航來回船飛兩套。我們沒有特別編排行程，真的很隨心就出發了。

巴黎人鐵塔

在港澳碼頭出境時，櫃枱(非入境處)邊查船飛邊遞給我們巴黎人的coupon，有得上鐵塔（個七樓）。咁正? 好啦第一站就去巴黎人玩下～

好熱，好曬。不過都幾靚。

JW Urban Kitchen

由於呢個package唔包三餐～於是小妹我自掏腰包加左個LUNCH BUFFET~ JW Urban Kitchen，好食過上次銀河群芳好幾倍!!! 地方大，坐得舒服，食品種類多、服務仲好好。

奀仔一次拎得太多碟，有靚女服務員幫佢拎埋飲品返枱 (係玻璃樽裝果汁)～然後同一位服務員見我地飲品飲晒，問洗唔洗再幫我地拎… ^^　仲有另一位男侍應喺奀仔出去拎野食既時候將佢扔埋一邊的餐巾摺返個三角形出黎 … 太細心了吧。整體感覺是好舒服的 ….

還要一提吃飽飽覓路回銀河正門時，遇到很熱心很好傾的清潔姐姐。聊得很愉快，這就是旅遊的樂趣吧。

8字摩天輪

晚上玩摩天輪，門票每位$100，剛好把$200 coupon換了去坐一下~ 感受嘛 …. 真的很一般。夜景一邊是地盤，另一邊比較靚少少望返去銀河。不過值得一讚就是可以直接在摩天輪入口處用$100券進場，不用又去甚麼服務處換甚麼券之類，這點對客人而言是很方便的。

其實所謂8字摩天輪並不是8字運行的，只是楕圓運行，外觀上弄得像8字而已～

蝙蝠俠夜神體驗

這個，推介度僅次於JW個BUFFET ～都幾好玩，大人細路都啱。網上有些comment說得比較誇張… 甚麼會嘔之類，其實不會啦。娛樂性有7-8分。

留意返不能帶背包進場，要先到一樓的存放處寄存背包。

葡韻

第二天的午餐去了吃葡國菜。去了我和奀仔的老地方 — 葡韻。其實說來好笑，我和奀仔是第一次一起來這裡吃，只不過從前我們都各自來過這裡，而且感覺不錯。沒有異議再來這間餐廳～

仍然是一貫的感覺，老闆很熱情，wifi很流暢，比較家庭式的感覺，坐得舒服也吃得愉快。味道OK份量算多～結帳時還送了一人一小杯酒。

不過留意返，其實呢間野唔算平的，結帳時奀仔也說，幾乎就係同尋日個buffet差唔多。

（順帶一提，原來官也街的公雞已經結業了）

明星滙

最後，講講酒店。房間比想像中細左啲啲，得企缸無浴缸～不過我地住得高，景觀都算開揚（仍然是地盤景）。check in/check out 也很方便，如果是用信用卡付按金，退房時根本不用排隊，直接把房卡投入收集箱就可以了。

最後是花絮照片:

這是巴黎人的發財車 。正當我話「粉紅色好靚丫」，奀仔一句「好似粉紅色底褲」，整個感覺都崩壞了 …. 

分享玩畢。

********

Haha，這篇分享沒甚麼養份呢。不過有時候來個放空之旅是很重要的。諗下下次去邊度玩好先～

****************

FACEBOOK: 屋邨妹看世界

U Blog: 尤記。猶記

【進駐澳門30年】麥當勞展@澳門科學館

Share1

介紹返，今日去澳門。放假很重要，於是就隨心攞日假過大海輕鬆下。

[其實係用之前玩網上遊戲中獎既旅遊禮券換船飛既，屋邨妹未有咁豪氣為左個展覽就去澳門 …]

行程第一站 : 大埔 > 九龍塘 > 旺角 > 中環 > 上環
粉藍色線轉綠色轉紅色轉藍色  轉到頭都暈埋，不過，呢程係抵搭既 …
因為 … 我竟然趕到港鐵個晨早七五折 !! 個車費又真係唔貴既折左之後 ….
不過咁樣返工真係好 CHUR … 真心佩服晨早跨區既朋友亦興幸自己不需要過海上班 …. !!

第二站係澳門銀河  … 屋邨妹就唔鼓勵賭博既所以呢 part 可skip

第三站亦係此行重點 登登凳 … 澳門科學館 ^^

充滿求知精神同好奇心既我成日逛博物館 (因為平 / 免費) … 當然就唔係第一次去澳門科學館

今次純粹係為麥當勞而黎既。場地比想像中大啲啲，有地方果然係唔同呀下。
展品亦比想像中多同精美，可能因為宣傳廣告不太多，去到實地有意外之喜。

參觀時間係平日下午三點基本上都無乜人流，好多職員姐姐好nice的。
在首爾買左莎莉後第一次帶佢出遊，發現佢極上鏡，以後會多Ｄ帶佢周圍去啦~
其中一個職員仲問我隻 Sally 喺邊度買 :)

唔講咁多 … 去相。

宜家香港都仲有啲麥記有麥當勞叔叔的~

屋邨妹自細住大埔自然去過太和麥記 … 呢個牌令我想起舊時的屋仔design
有無朋友都去過舊日的藍頂屋仔麥記?

莎莉真係極上鏡 ^3^

 

 

往年的麥記禮品 ..

呢一 SET 公仔，曾經擁有!

呢個board顯示全澳門所有麥當勞位置

  

這是澳門第一間麥當勞開業時的景像。

唔係好識佢係咩人物添 … 有無人知佢係邊位呀?

 

 

 

吸印仔換禮品。

差不多就是這樣~ 睇完個展，再行下官也街就返去LU

來回都係坐金光飛航經氹仔,回程返中港城very nice。
原來宜家坐船有wifi，非常方便。
出入澳門都係用E道，張入境紙仲會自動print俾你，啲automation真係做得不錯。

好喇，正經野講完到 IQ 題時間 :

「你有一個朋友揸飛機，一個朋友偷野，一個朋友做小丑。你係邊個?」

俾啲時間大家諗下，哈哈。

行程就這樣，謝謝收看。

*******************************
回程時講起「唉其實之前太古城都有麥記展喎，你睇下啲展品都好似一樣。唔知點解果時嫌太古城遠唔去，但澳門又唔嫌遠喎 !! 」

得到既回應係「咁點同呢，澳門呢度有大三巴同燈塔display，仲有人力車呢，香港都無 !」

知道你無時無刻都在顧著我感受安慰我 … 真的很感謝。

但講開又講，屋邨妹無親戚住太古，去澳門既次數分分鐘真係多過去太古城 XD

*******************************

U blog: 尤記。猶記

FACEBOOK: 屋邨妹看世界

IG: yaukeeyk