康文署騎馬射箭同樂日

屋邨妹今日善用政府資源玩左 … 登登 康文署騎馬射箭同樂日。

$75 一嘗做郭靖的感覺試試射箭 & 騎馬。 不過，呢樣當然唔係最吸引屋邨妹既地方。

呢個活動最大賣點係 .. 包左旅遊巴來回屯門公眾騎術學校至大埔墟新街市。

至少對我黎講，雖然大家都係新界，要入一轉屯門都真係頗轉折。

火車到上水轉 261 / 綠van 入到屯門，再去蝴蝶邨都唔知應該行定輕鐵..

解決左交通問題，成個活動即時變到勁吸引。好喇，入正題：

先講點報名： 都係留意返康文署網頁啦，兩個月左右出新一期活動報名時間
（http://www.lcsd.gov.hk/tc/programmes/programmeslist/districtsports/searchrsprog.php?type=crsp）
不過可能每區既活動會有D唔同，屋邨妹今日報的活動係大埔區負責所以由大埔出發 :)

參加者大約 廿幾三十人, 細路仔 ( below 12 歲) 佔多數但都有D成人 (包括我)。

活動時間兩小時。分兩批玩，一批先射箭，一批先騎馬。

我是先射箭那批，教練很認真講解了很多安全守則，然後就輪流玩。

每一round 可射六枝箭，一人輪到 3 round  :)
其實我唔太 hold 到隻左手 拎唔穩弓 … 不過是好好玩的 !!
中靶既 噠一聲 同 打籃球穿針既 嗖一聲 一樣咁美妙。運動同音樂真係息息相關。

換邊後 … 去騎馬嚕。sorry 這項活動是有體重限制的 … 上限 155 lb 。
[ 咁身長九尺既關羽拎埋關刀點騎赤兔呢? 斷估唔止百五磅喇掛. .. 此乃後話, 暫且不提 ]

細路騎小馬，成人騎大馬。我係第一次喺香港騎馬，慢慢踱步一圈，坐得十分咁舒服安穩。
騎馬呢樣運動真係幾有趣，要識control隻馬，又要同佢合作交流，真係好深層次。
如果我有錢 … … 算啦無呢啲如果。

最後係參觀馬房，職員哥哥好在行，睇得出佢同 D 馬係真心 friend 底的。
介紹了一些小知識都很有趣 ~

這是雪特蘭小馬 … 馬會的親善大使。哥哥話全港只有七隻，
五隻在屯門，兩隻在雙魚河。

呢兩位好似面壁咁 … 唔知係唔係唔開心呢

可以在職員准許下摸摸馬頭的 …

走 lu ~ byebye

騎馬呢樣運動，如果由細學起，真係幾型同幾train到個小朋友既。
不過對為口奔馳既屋邨妹黎講，間唔中玩下已經好滿足喇～
你叫我下下去屯門/薄扶林真係交通費都圍唔到皮。

參考資料:

香港有三間公眾騎術訓練學校 –
薄扶林、鯉魚門、屯門
(http://campaign.hkjc.com/ch/equestrian/prs-intro.aspx)

****************

FACEBOOK: 屋邨妹看世界

U Blog: 尤記。猶記

去台北，為左乜?【四日三夜尋找line friends之旅】

台北，港人最愛旅遊城市第一位。

出發的理由可以係一張平機票，一份蚵仔煎早餐。又或者，一位分隔兩地的伴侶。

屋邨妹我不是熱衷坐飛機的人，今次為了心愛的 line friends，義無反顧來了趟小旅行。

忘了甚麼時候喜歡上熊大。但喜歡了，就堅持下去吧。

必去推介 (1) — LINE FRIENDS CAFE & STORE
(其實叫 熊妹屋 更貼切, 因為英文是Choco House 啦.. )

地址 : 新光三越A11  (http://official-blog.line.me/tw/archives/cat_860653.html)

新光三越呢間真的不錯，就算不喜歡 line friends 的女生也必會喜歡那粉紅粉紅的設計吧~

好多影相位呢，比起香港朗豪坊同希慎分店都高一班。

不過貨品種類就真的不算特別。
除了一大一細兩款台灣版黑色 tote bag (價錢為 TWD 600 / 500)，
(我買了大的這款, 性價比較高嘛)

其他都係見慣見熟的產品。

呢款熊妹暖壼真的好美 (唔SURE香港有無得賣)，不過人大喇，諗下出街定返工用都好像不合適，就動不起意欲購買。

去與不去也無妨推介 (2) — LINE FRIENDS STORE @ 台北車站

地址：微風台北車站1F大廳(近北2門)　(http://official-blog.line.me/tw/archives/50472091.html)

說老實我對這間店期望很高, 但卻是認真的失望。好細間呀喂。

不過如果台北車站係你必經之路的話，去看看拍張照是無妨的。

意外收穫分享 (3) — 雷諾瓦拼圖專門店 (http://newweb.renoirpuzzle.com.tw/)

跟喜歡拼圖的朋友無心插柳地入了這間舖，噢不得了是熊大拼圖。

而且是新品上市，而且朋友是會員有 85 折 !

就算不太熱愛拼圖，為了熊大也必會有足夠耐性完成300塊的 :)

買了兩款拼圖 與 兩張拼圖POSTCARD … 不得了不得了.
POSTCARD 拼圖是雙面圖案的 !!! 好美好美好美 :)

在家樂福買了這塊地毯 …. 太舒服了吧
台灣果然係隨便行個超市都有很多 line products 呢

醫肚推介 (4) — 介紹返 … 盒盒罐罐是一之鄉出品的蛋糕與 熊大朱古力鳳梨酥(http://www.173cake.com/) 真係定力低D都搞唔掂 …

左下的藍色passport袋是之前某期 uMagazine 的贈品, 第一次帶它出門是出乎意料的好用 !!

還有在原宿LINESTORE買的跟我共同進退的冷帽 … 已成為冬天出遊必備小物 :)

故事待續 … 還有上海廣州深圳首爾的 line store 等緊我 …

有能力買少少心頭好，也有自制能力唔會有用無用都買。呢種狀態直頭係 equilibrium 呀

**********

好吧好吧, 其實除了 line friends, 還是有去看夜景的。

 Facebook: 屋邨妹看世界
IG: yaukeeyk

隱世綠洲 — 圓洲角公園

今日介紹返 — 沙田圓洲角公園。

一個可以讓你十分鐘一嘗登峰的公園

兩年幾前一次機緣巧合，辦完正事在威記附近食 TEA …..
然後，發現呢個公園 !! 有少少相逢恨晚的感覺。

地點來說這裡真的不很方便，但咁先算係隱世 right?
在未有馬鐵的年代，我係唔識教你點黎呢度既
而當然現在我會教你「馬鐵第一城站B出口打斜過馬路沿威爾斯直行到行人隧道一出就係喇」 (憑記憶的, 有懷疑請善用問問路人技能 … )

如果過啱左條隧道，向前行兩步，恭喜你 你會見到 .. 登登 公園的正門

再強調，新界妹很喜歡大自然 兼 十二分喜歡享用政府的免費設施

所以第一次見到呢個公園時，雖然看似平凡也要進內看個究竟
畢竟兩旁樹蔭已令你有耳目一新的感覺

果然，走不多遠便發覺這個公園特別之處 … 係山頂呀喂 !! 公園入面有座山宜家咩事先 !?

急不及待沿著樓梯往上奔跑

行到一半 …

注意返前半段係靚樓梯，到後段會見到D比較 raw 少少既地方

到山頂 … :) 有個好特別的日晷呢 .. 還有老掉牙的名句 ” 寸金難買寸光陰 ”

雖然山不高，但也夠俯瞰山下風光兼遠眺各處山頭

還十分認真的有個標高柱

向前行，沿另一邊下山，會到達公園另一側入口~

這邊的入口真係唔識介紹要點去  … 大概係愉田苑第一城附近啦 ~

注意返，公園開放時間 0630 – 2300，登山小徑 開放時間 0700 – 1800

遠道而來想十分鐘登峰既朋友留意返，
我唔知康文署夠鐘會如何清場，但就一定唔會再俾人上去的，預返足夠時間就玩得開心D

好喇，講咁耐。
除左登峰呢個公園仲有咩玩呢？

如上圖，其實真係無咩野玩。唔好 expect 可以有草地來甚麼野餐等等 …
只有最普通的小朋友鞦韆 以及 養生朋友的石春路 etc ..

所謂水池也是一片心如止水的樣子 ..

不過總括而言，外區朋友想來個沙田一日遊 or 本區朋友想來個HEA爆地道遊
圓洲角公園係你不能錯過既選擇。

仲可以去埋新開既圓洲角體育館涼免費冷氣丫嘛  :)

記得行山要 #自己垃圾自己帶走呀

****************

FACEBOOK: 屋邨妹看世界

U Blog: 尤記。猶記

一個沒有運動細胞的孩子

兩年前有段時間好鬼得閒寫了很多所謂抒情文，宜家叫我再每個topic寫下真的沒那個時間也沒那份閒情逸致。真心明白點解古代文人往往係官場不得志才會寫出好作品 hahaha

趁有點時間，整理一下舊文sss與大家分享。

***********************

(原文寫於 15.6.2015)

我是個不愛動的孩子。小時候，媽媽說我像一尊「佛」，坐著就一整天，不吵不鬧，我是一個從不會用手腳爬行的孩子。童年時，別的孩子或許喜歡跑跑跳跳，我卻連用自己雙腳走路也覺得浪費氣力。跑得快跳得遠爬得高，那又如何？

到長大多一點，別人對我的印象往往只有「文靜」兩個字，溫書、寫PAPER、考試等等，一坐四五小時沒有難度。我知道自己天生對文字比較敏感，所以後來做左高登認字特警，未至於過目不忘(現在工作變了過目不忙)，但甚麼背誦呀理解呀真的不是很費氣力。

我也一直知道自己是個零運動細胞的人，打保齡球，球會甩手向後飛而不是向前滾；打羽毛球，可以一鬆手把球拍也擲了出去；有次打桌球，我用力一篤一推，白波直接越過枱邊飛到地上。我身手很遲鈍體能很差，但從前我覺得這都沒甚麼，我食腦架嘛又唔係靠對手搵食，況且做運動唔叻啫我又唔係運動員。

到後來逐漸發覺，除了沒有運動細胞外，其實我對一切有技巧要求或者要利用工具的東西我也學得很慢。那些「我睇一次人地煮呢個餸我就識煮」、「喇我示範一次然後到你地做喇」對我來說是不可能的任務。一言以蔽之，我就係唔識運用自己既手手腳腳(戲謔謂handicapped)，唔識每個肢體動作既竅門在那裡。更有甚者，其實我動態視力也很差。

不過唔緊要，我有既係毅力。只要專注同投入，平凡人也可以變專家。

想當年考車，路試前一天師傅還在嘆氣「唉點解你唔聽我講學自動波呢」，然後到考試當天，我好似上身咁投入度一百分，果種專注程度係，下午兩點考試，我由起身一刻禁熄個鬧鐘之後就無再望過部電話一眼，我要既係絕對既專注，整個腦海每一秒都在思考每一個動作每一個細節，無其他。媽媽不明白為何一個如此笨拙的人考車可以一 TAKE PASS，我想，這是因為我心無雜念。

然後呢幾年慢慢開始接觸多少少唔同既運動，我相信無論咩運動，識運用自己身體肌肉同拿捏到一個動作既精髓都好緊要，一直以為學野好快可媲美黃蓉既自己，到呢個moment，先知道原來自己只有靖哥哥既資質。放下筆桿，我連一般水平也不如。

我同自己講，唔緊要，「人家練一朝，我就練十天」，我有既係毅力。招式太多記唔實，我就先學一招亢龍有悔；輕功練唔好，我就連續兩年每晚都去攀崖。從前滿足於留在COMFORT ZONE，做每個選擇都只揀容易的自己擅長的，有一天終於發覺，人生的精彩在於不斷挑戰自己；真正的滿足來自努力過後的成果而非安逸舒適。努力吧！

********
FACEBOOK: 屋邨妹看世界
IG: yaukeeyk