大阪遊 DAY 3 (清水寺、醍醐寺、二條城、金閣寺)

今天好充實跑了不少景點

也好彩天氣好好。

看了不少寺呀，塔呀。今日睇左一個我好鍾意的景點就係二條城。

<< 大政奉還 >> 四個字好鬼有型

睇下當時的當權者生活的地方，脫了鞋在室內走了個多小時，投入感十分。

真的在想像自己就是當年的一員 ….

然後第二喜歡就係金閣寺，真係好特別，金光閃閃。

還有清幽的醍醐寺，很有修行的感覺。

最後也去了清水寺，不過人太多啦，旅遊味稍重。

雖然知道遇上大維修，但難得第一次到京都，還是要到此一遊吧。

唔講啦，去相。

 

特別拍了這個 … 好自然融入的 sponsorship ~

 

************

U blog: 尤記。猶記

FACEBOOK: 屋邨妹看世界

IG: yaukeeyk

大阪遊 DAY 2 (東寺 & 伏見稲荷大社)

大阪遊第二日

上回講到，住左間性價比不錯的airbnb，一覺無夢到天明。我同好友都係超訓得之人，同樣擁有合埋眼五秒訓著既技能，去到邊都超級好訓，感謝 :)

第二日會轉酒店所以拖埋個喼出發，去梅田站轉近鐵落京都。

當日係星期五，亦可能由於我地太早出發。出左梅田站一浪又一浪蓋埋黎都係西裝骨骨既上班人潮。我地衣著平凡拖住個喼，相當異相。

由於呢個係一個要好好 enjoy 既 trip ，喺食方面我地都有做少少資料搜集。
今日我地就順路去左喺車站既一間cafe

New　Y・C (ニュー　Y・C)

睇相有好吸引既爆蛋三文治，but sorry 原來爆蛋三文治要10 a.m. 先開始供應

十點前… 食住早餐 set 先啦 ! 不過都是不錯的

 

同sally一齊坐車落京都 :)

我地買左張三日 day pass，可以用佢坐埋近鐵。

就喺出閘既時候，第二件趣事發生了。

我張飛 …. 失效了。經過車站職員日英雙語解釋兼出示了一份日英中三文通告，就知道因為係我將張飛放左喺電話套，而我個電話套係有磁石既，就係咁樣令到張飛失效喇。

三日pass 只係用左半日就壞了，好彩只係要每次經counter出入show飛俾職員睇而唔係要買過張飛 … ^^”

以下情節 fast forward :

喺酒店擺低行李 >> 出發去第一個景點 ：東寺

呢個時候第三件趣事發生 … 就喺好友追巴士既時候 … pk 了。喺後面遙望住既我，以為佢只係失一失平衡，點知真係跌到流血 ……… 收藏多年既膠布同濕紙巾都派上用場了。

結果都係搭下一架巴士 ….

到了東寺 …

我覺得堆得好靚，所以影下

好舒服丫個地方

呢間係一間學校黎，喺度上堂感覺一定好特別。

中午返返京都站醫肚。我點左個有三層麵既餐，其實到宜家都唔知應該係點食，淨係知自己好肚餓要食好多野。

下午去好經典既伏見稲荷大社。其實我淨係諗起容祖兒首雙冠軍個 MV。
https://www.youtube.com/watch?v=_o7n6jlurus

夜晚去祇園食飯，十二段家打邊爐 :)

花見小路呢個名好靚 … :)

黃昏的祇園 … 舒服到好想同男友黎一次

 夜晚匆匆遊埋八阪神社 … 返酒店收貨，訂左好多 line friends products ^V^

 Sally 話，你地結晒婚，咁我呢，我點算 …… T^T

Day 2 以上。

*****************

U blog: 尤記。猶記

FACEBOOK: 屋邨妹看世界

IG: yaukeeyk

大阪遊 DAY 1

剛過去既一星期，同識於微時既朋友黎左個6日5夜大阪遊。

咁多年過去，大家當然在各方面也成長了很多，不過情感上，大家都仲係 form one 果個自己。而趣事，亦係一單接一單咁發生。

出發當日，遇上習近平訪港。佢中午到埗，我地就中午 depart。
喺個 boarding gate 睇住電視直播佢行紅地毯一刻，真係 ……. 唔識形容。
當日去機場沿路亦係超級多警察，不過都應該既，怎說也是國家元首。

坐 A47X 的  Sally ~ 坐過 A 車，真係返唔到轉頭坐返Ｅ車。

等上機的 Sally …

去程坐 PEACH ~ 唔知係我飲唔夠水定點，在機艙內極度的乾 …
幾粒鐘不停要補潤唇膏… 又狂咳，不過落左機就好啲喇。

落機時，趣事一發生了。
話說好友帶左袋鳳梨酥上機，落機時兩手 FING FING 就起行。
好彩行到一半發現了，但就要做埋空姐果份企喺度等所有乘客落機先可以行返個位拎 …

關西機場T2感覺好似港澳碼頭 XD

落機已經5點幾，不過都頗順利。入境好快，唱錢買車飛等也由好友出手一一辦妥。

到埗不久就收到晚上住宿地方個 host inbox 我，問下我地到邊呀，識唔識路果啲咁。最後喺地鐵站外遇到就相認左喇  ..

補充返，呢間係我喺FACEBOOK見到廣告就BOOK的，貪佢地係台灣人講中文容易溝通。

好友話佢都係今個TRIP先第一次BOOK Airbnb … 確實真係無酒店咁穩當。事前詳細地址欠奉，也沒有電話網頁公司註冊甚麼的可以查閱，靠的就是對人的信任吧 …

好似我地第一晚住呢間，都幾好彩。其實好大間，唔係話好靚好新淨但都乾淨企理。最緊要價錢好平呢 … 我地都話，下次再黎 book 唔返呢個價架喇。一係佢執左，一係肯定會加價…

放低行李出去道頓堀食飯…. 已經8點幾差不多9點。

食飽行陣街買埋個宵夜就返去 lu

男友睇完呢張相問我係咪返左大陸 ….

第一日就這樣~

U blog: 尤記。猶記

FACEBOOK: 屋邨妹看世界

IG: yaukeeyk