[親子遊記] 沒有了大花白的嘉道理農場

由屋邨妹、到人妻、到做母親。宜家阿女識行識走，開始同佢一齊看世界~ 重拾返呢個blog ，由#莎莉看世界 變 #莎莉一家看世界 😊

阿女19個半月，今日我地去左 #嘉道理農場

原諒我玩一個好爛既食字，去到嘉道理農場俾咗入場費，問職員先知而家已經冇豬睇，簡直係「晴天pig靂」。

去嘉道理農場因為我好想睇豬，其一係因為睇豬係當年同老公拍拖嘅其中一個節目，由 #大花白 到 #豬拖沙 ，呢個回憶好溫馨；其二就係阿女而家識講個pig字，又有幾隻豬公仔，想畀佢去睇下真嘅豬。

算喇，都係由個行程順序講起。

本來計劃搭64k，但係驚老公覺得舟車勞頓，所以決定搭uber。落車嘅時候師傅問我哋，「今日呢度有咩特別活動？我未嚟過呢度呀。」

我笑笑同佢講，今日嘅特別活動就係星期日family day。

//

買飛入場，成人50蚊，四歲以下免費。長者同團體都分別有優惠，如果要搭埋觀光車上山就車費另計。

今日天氣幾好，我哋去到都算早。人流唔多，職員見到有小朋友好nice咁同我哋講話去邊度邊度有馬騮睇，我就順便問佢今日啲豬幾點出嚟。

佢話：無喇，啲豬好老，個幾月前已經無左喇。

🥲🥺

計劃趕不上變化，都係收拾心情繼續行程。

我哋唔係好方便行就留喺山下區域活動。

睇咗唔同動物，有上次走失咗嘅aberdeen，有各類猛禽（個造型好似神雕講真），有赤麂，有魚有鸚鵡有了哥等等等等。。呢啲阿女都未識講，係去到睇豹貓嘅時候佢識喵喵叫。

其實園區環境都好舒服，不過附近都有啲工程進行緊唔知係起啲乜嘢。

（呢度就係記憶中既豬舍）

（神雕俠侶隻雕就係呢個造型喇~）

（老公問佢地點解唔會飛走）

//

門票話貴又唔係太貴，佢有啲保育成分在內咁都算值得入去睇。

回程嘅時候我同老公講，其實呢度都有得買年票，我哋要唔要買年票入嚟多啲行下。老公話如果有返大花白即刻買 🥲

但係我研究咗一陣，呢度雖然叫農場，但係其實佢展示嘅動物主要都唔係食用。睇簡介其實好多動物都係拯救或者充公得返嚟，然後就喺園區住咗落嚟。睇嚟如果唔係邊度有啲非法走私嘅豬，都好難再有大花白睇喇。

（適逢昨日有單野豬既新聞，唉。生活艱難真係。）

//

總括黎講，呢度都係適合一個小郊遊嘅好地方。樓梯都比較多所以我哋冇推車，但係有啲地方其實都有啲斜又無欄杆。老公覺得如果小朋友再大少少，但又未識自律甩繩馬騮咁嗌佢唔住嘅話，嚟呢度都會有少少危險。但係如果再重啲我又唔想揹佢行，所以幾時再嚟都係要計劃一下先。

臨走前去睇咗佢個育嬰室，都乾淨企理 👍🏻

阿女乖乖合作行咗唔少樓梯，媽媽表示滿意 😊 有時睇動物嘅時候要用啲眼力搵隻動物匿咗喺邊度，我唔知阿女明唔明我哋做緊咩。但係佢見到貓貓識喵喵叫，希望佢今日都有啲得著 😂

再努力計劃下行程睇下下次一家人去邊度玩好先。

（另外，請問香港仲有邊度有活豬睇🐷）

Ig: yaukeeyk

懷孕37周中COVID --- 留院十天到分娩經歷分享

［寫於2022年年中］

這篇又足足拖了好幾個月。長話短說，我在孕期剛滿37周的時候中了COVID

事過境遷的時候跟朋友分享，最常被問及「你當時係咪好驚呀?」

是的，身在其中當時真的很怕。不是怕發病時難受，而是對如何應付沒有頭緒。

家中最先發病兼快測驗出兩條線的是我老公，當時他馬上搬開了到別處作出自我隔離。我則除了到診所一次交口水樽以外一直留在家中。那時是懷孕後期，透過胎動其實自己知道胎兒安好。但最不安的是將近臨盆，卻要和老公分開的那種無助感。而且老公的狀況不是太好，有發燒，最嚴重的是咳嗽，他說喉嚨像被釘書機釘過，那種痛和平日的傷風感冒是有分別的。

那時候是第五波高峰初起，資訊很混亂，深喉唾液的結果要等很久。自己一直邊每天做快測，邊上網看最新資訊，孕婦中了肺炎怎麼辦等等。然後到了丈夫撤離的第三天，終於，我的快測結果也出了兩條線。

早有準備之下，我拿着走佬袋，單人匹馬到了醫院。老公有奶奶替他作補給，而我要做的是照顧好我肚裡的孩子。當時的想法起，如果我沒中，家裡比醫院安全；如果我中了，而醫院肯收我入院的話，則對胎兒有較好照顧。

我到了離家最近，也是我一直準備到的分娩醫院 --- 威爾斯親王醫院

因為我一直在這裡做產前檢查，懷孕24周起有任何懷孕/作動相關情況，可以直上產房，不用先到急症室分流。

醫護們很好，聽了我的情況就把直接把我收入院。不過要先做檢驗和等候安排隔離病房。

我是中午到醫院，大半天就獨自一人在分流室度過。不停有醫護替我做各項檢查，超聲波，聽胎心，還有我第一次接觸的內診。是真的有為母則強這回事，很多媽媽說起聞風喪膽的內診CHECK宮頸，我卻覺得根本沒有那麼難受。不適感有點，但痛楚不算，是可以忍得過去的。當時宮頸一度也未開，也未成熟，完全未進入準備生產的狀態。

到了黃昏，醫院沒有把我遺忘，還給我送了餐。在房中有床有椅子可以休息，還可以吃飽肚子，其實當時處境算是很不錯。除了沒有洗手間，如廁需要按鐘問姐姐拿便盆。

然後到晚上，我被移送到產房樓層的其中一間負壓房。房中有兩張床，而鄰床是另一位確診孕婦。我的行李被留另一處，而且這間房中沒有簾分隔，燈光很暗，看得出是很臨時的措施。加上不知要在此處留到何時，不安感加重。

幸好到了凌晨，護士通知我正式的隔離病房有床位了，不過是要到內房大樓那邊。凌晨二時，我被安排坐上輪椅，風馳電掣地往內科駛去。由於我是染疫者，移送途中已有工作人員開路，兩邊大樓都預先鎖了LIFT等等，務求一路暢通無障礙，也算是個很特別的體驗。而且也看得出醫院對防疫的重視，實在由衷地謝謝每一位醫護人員。

到了內科隔離病房，仍然是雙人房，感覺卻像上了天堂。有負壓門，有獨立廁所（兩人共用），有窗（我的床位在窗邊），還有電視。我到達時已是半夜，鄰床卻仍然未睡，打過招呼後我倦得先睡過去了。而且畢竟自己中了招，也有點怕與別人交談。

然後到第二天，鄰床（也是確診孕婦）友善地與我介紹這裡的生活：每天有兩次打掃，早午晚三餐會送進來，換下的醫院服可以要求新的，每早內科與婦產科醫生都會分別致電問診（不會親身巡房）等等。她表現出來像住得很自在，確實讓我舒心了很多。

不計我剛出生那一次，這次是我第一次在公立醫院留醫。雖然身中covid ，但可以留在雙人房，其實待遇一點也不差。

窗外景觀開揚，黃昏還能看日落。

至於醫治covid的藥物，其實是沒有。發燒便給PANADOL，胃痛加點胃藥，說心痛便照心電圖。入院第一天發給了一雙壓力襪，因為怕covid有機會導致血栓塞。而因着同一原因，確診孕婦每天須打一次薄血針，為期十天，或直至有分娩動靜為止。薄血針打在肚皮，我只問過確定不會影響胎兒，便接受了。這次經驗令我學懂了自己替自己注射，只要想着寶寶，沒有甚麼是做不到的。

另外，入院第一天也有照肺部x光，照時以鉛片蓋着胎兒。當時詢問過老公意見，也相信是安全，便同樣也接受了。

在內科隔離病房留了五天，緊張的情緒逐漸紓緩下來。除了緊張不知胎兒何時出來，對於其他事情是比較放鬆了的。丈夫情況好轉，我每天都有和他通話/ 視象，打發時間就是看電視，三餐也定時，期間還請親人替我送了一次補給物資。除了不能如期進行清胎毒，其實好像也沒太大壓力。而最重要的，是病房靚到好似私家房一樣~

（待續）

（下篇 --- 調返去婦產科大樓，真係住婦產科的私家二等房）

Ig : fifi.wong 👉🏻 阿囡

Ig : yaukeeyk 👉🏻 莎莉