香港好去處 - 稻鄉飲食文化博物館

今日介紹一個有得睇又有得食既悠閒好地方 ---稻鄉飲食文化博物館。

那天在網上搜尋香港還有那些地方有「龍鳳大禮堂」，其中一個結果竟然出了稻香博物館。好吧，趁有時間就去看一看。



稻鄉飲食文化博物館位於火炭，共有三層，最底層是酒樓，是VTC稻苗學院的訓練餐廳。會員制，$300一年會費。



我們直接上了二樓的博物館，免費入場，自由參觀。導賞團則需先行預約。



地方比想像中大，展品也很多。我最喜歡的包括龍鳳大禮堂的backdrop、食物模型以及龍門夜宴餐牌等。






























奀仔則欣賞這個博物館不止宣傳稻香本身，而是真的有介紹香港不同的飲食文化歷史。

除了展覽廳，這裡還有Conference room應該是作講座或訓練之用。



****

Ref: 稻鄉飲食文化博物館

U blog: 尤記。猶記
Blogspot: 尤記。猶記
IG: yaukeeyk
Facebook: 屋邨妹看世界

係深井定數碼港? --- 白石角、科學園 (下)

上回講到，入左白石角一帶參觀。同日順便去埋科學園。

科學園唔係第一次去，除左踩單車路過邊皮，都有入過去食下野咁。以前有間食semi-buffet我媽好鍾意既，因為個景好靚，我印象中性價比亦係不錯既。不過講緊都八年前喇…最近喺公事上同園區某部門有啲接觸，過程係非常愉快既。是否專業我唔識評論，但起碼佢地喺態度上感覺係最好既。喺同一崗位做了近四年，算係接觸過唔同咀臉，我敢講so far佢地真係俾我感覺最有誠意，唔講做野，係做人既誠意，誠意真係好重要。算係加入了另一印象作舊地重遊。

由逸瓏灣向大學方向走不久便進入科學園範圍。

現在科學園期數比以前多了，好像也多了新的大樓，感覺發展得更好。

科技大道東 Science Park East Avenue，好彩唔係叫Keji Road East。


 奀仔大讚既其中一樣 --- 科學園內有極多免費wifi，仲要速度好快，「快過你屋企個wifi喎」。我們傻傻的在研究，最接近科學園的那幾座屋苑會不會可以用到科學園的wifi，咁就寬頻都唔使裝。不過另一方面，太多發射器可能對健康又不太好。

食肆比以前多了，還有銀行、中西醫診所…等等，照顧在科學園上班員工的日常所需。



落後的我們首次進入這所「無人店」購物。門口有閘機要以員工證/八達通或其他任何IC card進店。付款方法有很多，除了現金。


進去湊湊熱鬧買了兩枝飲品，價錢跟街外的便利店差不多。店內賣的貨品也主要是零食與飲品，每件貨品都有RFID tag，一刷便有貨品資料，付款過程很迅速。


也到室外逛逛，園區中間有條人工河，旁邊的餐廳有不少戶外坐位。天氣好的時候在這裡吃個下午茶感覺真的很悠閒。



還要去經典地標「金蛋」拍拍照。



回程坐巴士回大學站（然後再順便逛一逛中大），行程完滿結束。

後記：總括而言，科學園白石角一帶感覺仍是很舒服的。沿海有海濱長廊與單車徑，地方也開揚，不會有太擠逼的感覺。從前不時會踩單車由家裡出發入科學園，其實很快的只要20分鐘左右。不過如果要居住/工作的話，設施與交通真的尚有待開發改善。公司車這方面我不了解，但若由大埔出發的話，往科學園的公共交通真的不多，某些巴士一小時才有一班，最方便應該是先到大學站轉車，但大學站本身如其名就只有一間大學，其實也是沒有任何配套的。然後再仔細看看，某些屋苑有些座向真的蠻接近公路的，嘈音與空氣質素也是一個問題。從前一聽白石角這地方感覺應該是有一片無敵海景，但再深入了解才醒覺海景只有那麼一面，還幾乎全留給大單位~

再後記：實地走完白石角後某天我們去看了海日灣II的示範單位，不說配套景觀，單以單位開則而論我是喜歡海日灣II多於天鑽的，雖然兩個盤暫時也與我無關…順帶想提一提，agent講既野，真係唔好信太多，最緊要自己做功課。

另一方面，有大埔情意結既我其實唔係無考慮過日後住入白石角，話晒都新樓。但自問又未有能力喺科學園返工/創業，因為除左科學園，白石角真係好似去邊都唔方便。於是和中大校友奀仔討論過「中大人會否考慮住喺白石角」，佢既結論係咁既「如果住喺白石，要成半粒鐘先出到大學站，咁點解我唔住馬鞍山、沙田或者大埔墟又或者太和呢？我梗係揀一區個配套成熟架啦，我落街乜都有得買，更何況如果我夜媽媽要出去，截的士，你估的士鍾意入白石丫定去返啲叫做有啲人既地方呢？萬一你call左唔要架的士佢點算？除非你話係平好多就有得諗啫… 又例如咁講，如果夜媽媽12點突然有事要返大學，東鐵未收你可以搭東鐵，但喺白石角你搭乜野返去呢?」

結論：一日未有白石角站，好像交通問題也不能完全解決。當然，我們是從平民角度思考的。其實我們幾乎一年也坐不到一次的士，更不用說養架車代步了（當然我是有車牌的 --- 詳見 談考車）

好吧，屋邨妹還是不要過度留意新盤資料。滿足現狀其實就很好。

最後，跟大家分享一下新買的Sally鍵盤，很喜歡，超級喜歡。這篇blog就是用新鍵盤輸入的啊~喜歡莎莉的朋友，若果想看到更多莎莉的日常照，請記得follow ig account: yaukeeyk 及 hashtag #莎莉看世界 啊




謝謝收看。

**************
U blog: 尤記。猶記
Blogspot: 尤記。猶記
IG: yaukeeyk
Facebook: 屋邨妹看世界

係深井定數碼港? --- 白石角、科學園 (上)

近年，大埔最新既樓宇供應重鎮都應算係白石角。

對我地呢班住左大埔幾十年既人黎講，以前邊有白石角架，係咪踩單車果度咋?



要買野呀？最熱鬧咪大中舊墟太和；講屋苑呀？主要咪大中新達康樂園。新樓就有都算係第一批開始用符點符號做名既「富‧盈門」同睇蝴蝶既嵐山 ….

宜家白石角就熱鬧喇，由早幾年既天賦海灣，到宜家雲滙嘉熙逸瓏灣海日灣朗濤etc.

於是，就趁假期入去睇一睇。

同外區朋友介紹白石角喺邊時我通常都話「大埔係屯門，白石角就係深井囉。總之就係公路有個分岔口落去啦。」

問題黎喇，行就似乎行唔到，咁到底可以搭咩車去呢？

比較合理就喺大學港鐵站轉巴士/小巴，不過我地就懶唔想轉車。於是搭左架行吐露港公路出九龍但會兜入白石角既巴士，但要留意返時間，因為一個鐘只有一班。



在巴士上的對白 …

（廣播：下一站創新路）

「嘩創新路，係唔係 Innovation Road 呢?」

（英文廣播：The next stop is Chong San Road）

一腔創科熱誠突然都熄滅了，Admiralty 都變返Kim Chung 咁的感覺。

好，到喇。

(有機場巴士，好貼心)




天陰陰，但起碼沒下雨也不算太熱。



唔講太多，去相。















整體黎講，樓算密，但唔係好高，感覺其實係舒服的。始終新樓+海傍，望海果一片應該超級無敵靚。另外望返中大也有山景。只要不是太低層近公路，應該都真係算幾好住。



行兩步就到白石角海濱長廊真係極寫意（如果有閒情逸致的話）。

不過暫時黎講真係見唔到咩配套，無餐廳無舖頭最重要 … 無車搭（車位就另一個議題）。

下一篇講講科學園。

（待續）

***********

講咁多，其實都係想拋磚引玉一下，有留意/有興趣/買左/住緊白石角既朋友，你地覺得點呢？歡迎交流指教 :)

U blog: 尤記。猶記
Blogspot: 尤記。猶記
IG: yaukeeyk
Facebook: 屋邨妹看世界

誠意之選 --- 渠務署開放日2019

補回之前參觀渠務署開放日的遊記。

先說背景，其實我對渠務署是沒甚麼認識的。只是其轄下的沙田污水處理廠位處從前上學（恒商）現在上班（新蒲崗）的必經之路。由大埔前往大老山隧道，過了吐露港公路上高架橋，從左右兩邊向下望就是污水廠的位置。早上往往飄來陣陣既熟悉又尷尬的氣味。到每年某個時候，都會看到一張極大的海報寫着「渠務署開放日」，海報日夕相見，讓這活動好像在心裡紮了根。



不過既然每年都有開放日，那也不急着要去吧，哪年去都一樣。時間來到2019，適逢奀仔心情好，我們也沒特別事情要做，就是今年了。

2019年1月19日，前一晚還仔細看了參觀詳情，一大早興致勃勃的出發。渠務署安排了旅遊巴接載參觀者往返大學或沙田火車站。我們於大學站出閘後還在東張西望找旅遊巴的上落客點。然後不遠處便看見指示牌，旁邊站着一位職員還有一位小丑哥哥，笑着為我們指點路徑。噢這安排也太好了吧，很有誠意呢。

上車出發，心情很好，第一次進入從前可望而不可即的污水處理廠。



下了車第一個感覺，地方很大，兩旁種了不少樹木，說誇張點簡直像去了主題樂園一樣。



開放日的活動比想像中豐富得多，渠務署工作介紹、渠蓋設計比賽頒獎、大量的遊戲攤位、導賞團、銀樂隊表演等等。



我最欣賞這個花卉種植攤位，讓小朋友一嘗翻土與下種，也帶出了環保意識。



另外不少細節位都見心思，包括育嬰室、吹氣遊樂設施等。真的很適合一家大細來玩上一整天。最緊要係咩呀? 係免費呀～

 




場內還有美食車（鼓勵自攜餐具），餓了可以醫肚。不過洗手間呢，好像只有藍色那種臨時廁所。這個對我來說就差了一點，不過我沒有逗留太久就不成問題。

最瘋狂的是還有小馬出場合影環節，我跟奀仔說，「各種各樣吸引我的元素這裡幾乎都出現了。係呢，佢邊度搵隻馬返黎呀？」

「我諗問佢鄰居借掛」

「你指上水雙魚河？」

「係隔離沙田馬場呀。」

又係啵。

原來今年是渠務署成立30年，除了玩樂元素，也長了知識。



看模型認識沙田污水廠遷往岩洞的計劃，看圖片了解渠務署的河道活化工作。

 



見到那張大圍渠道改善的想像圖，壓不住聲量爆了句「唔係掛大圍條渠可以整到咁靚？」職員聽到隨即笑意盈盈上來講解「係呀我地諗住咁咁咁 … 你去過大圍未呢? 第時條河就好靚架喇。喇宜家我地整左啟德果條就咁咁咁… 」

各位啟德／黃大仙既朋友，你地又覺得條「啟德河」整成點先？

最後來到重點節目（我是為了這而進場的！），睇臭池（Sorry 曝氣池先啱）！

 






終於有機會行上黎喇！看看天，看看設施，眼界大開，心情大靚。







走lu。

 

  





渠務署轄下共有67個污水處理設施，沙田這個屬於大型二級處理，這個級別的只有六個（另外五個位於元朗、石湖墟、大埔、西貢及赤柱）。另外還有四個化學強化一級處理設施，分別位於昂船洲、小蠔灣、深井及望后石。年尾還有昂船洲污水廠開放日，有興趣的不妨去一看～誠意推介。

以上。

**********
Ref: 渠務署開放日資訊

U blog: 尤記。猶記
Blogspot: 尤記。猶記
IG: yaukeeyk
Facebook: 屋邨妹看世界