我的小確幸-談抽獎

故事起源於2007年，是的 又是十年前
小妹當年考完會考百無聊賴, 以文字為主糧的我有天天閱報的習慣
當年看的還是明報 … 而某一天在副刊興致十足玩了個有關電影的有獎遊戲

印象中題目不算容易, 在沒有 google 之下憑自己實力答中了全部問題並獲抽中。
獎品是兩張 <<每當變幻時>> 電影戲飛，在總統戲院。入場仲有一人一本電影筆記簿送。
在不用花費分毫之下新界妹請了媽媽到銅鑼灣看電影，那種滿足感一直牢記在腦海裡。

然後很多年沒有再玩抽獎遊戲 … 然後到了2015年
當時小妹公司在旺角，天天在火車站拿足咁多份免費報紙
而我最喜歡的那份叫晴報　(純粹因為喜歡橙色… )

某一時期晴報咪狂送機票既 … 然後小妹我… 又中獎了
日本航空雙人來回東京機票。

當時仲傻下傻下上網對得獎名單  見到自己資料仲以為眼花
CAP圖SEND俾個FRIEND 問「係咪我黎架?」

就這樣，講左一句「原來真係會中既」，人生第一次去日本就係晴報贊助既 ~

後來陸陸續續熱衷玩唔同既網上抽獎呀, 鬥快呀, 免費拎禮品等等…

去澳門銀河睇殺破狼2首映~
去會展睇曹星如21連勝 ~

都係主辦單位贊助既 :)

抽獎攞著數係屋邨妹最大興趣~

不過玩乜都好, 有好狀態才有好運氣, 最重要本著 施比受更為有福 的心態。

有固欣然無亦喜, keep住好心情, 好事就會黎架喇 :)

************

U blog: 尤記。猶記

FACEBOOK: 屋邨妹看世界

IG: yaukeeyk