2.9.2017 (Sat)
今天去了沙田文化博物館，參觀養心殿展覽。
這個是收費展覽，入場費$20。如果一併買埋「萬壽載德 — 清宮帝后誕辰慶典」的票，則只需$30，不限日期。不過注意返，後者是在歷史博物館舉行喔。
每次舉辦不同展覽，這條樓梯都會作相關佈置，今次係雍正既御筆硃批「知道了」。
上了樓梯，正正是養心門，清朝文字是漢滿文並用的。
戶外走道鋪了黃地毯… 哈哈，總得要走一走，過過皇帝癮。
兩邊列出了八位居於養心殿的清朝皇帝。
大家都應該知道清朝由努爾哈赤到溥儀，一共有12位皇帝。
點解養心殿係八代帝居呢？原來承接明朝既傳統*，順治同康熙都係住喺乾清宮的。由雍正起，先遷居至養心殿。
*由明成祖朱棣 (即係洪武三十二個馬德鐘)遷都北京起至崇禎皇帝一朝，明代君主都係住喺乾清宮的。
紀念品好靚，哈哈。 
這是養心殿的 floor plan，好似都唔係好大咋喎。
模擬返當時的佈置。就是略具大概而已 … 似TVB廠景多啲咁。如果大家有機會，都可以去北京參觀下紫禁城，感受一下那份歷史味道。
皇帝辦公的地方。而當中雍正 (步步驚心個吳奇隆) 就係最出名勤力的。(同埋都出名狠辣，相傳由佢製造的血滴子大家都聽過吧? 仲有佢既文字獄… 最記得中史讀過，一句「維民所止」代表將雍正剃頭 … 做皇帝既野，我地真係唔知咁多 …
這裡是東暖閣。當年隆裕皇后就在這裡宣佈《退位詔書》，溥儀只有五歲。
睇完個展覽，有啲野都幾有趣的。講緊只係三數百年上下，養心殿，由第一次裝上玻璃窗，到第一次裝左現代既電話。由仲係甚麼康雍乾盛世，到溥儀打電話俾胡適。
歷史，真係好有趣。
這是嘉慶的字，只能說是工整，好像欠了一點美感。
這是康熙的字，感覺就型好多喇。雖然話皇帝書法叻未必係一件好事，例子：宋徽宗。不過人又叻又有才華又生得合時條命又好，就可以好似佢咁名流青史 … 開創康乾盛世呀下。
最後一張，這是三希堂。地方細細，但收埋左好多珍品古玩的。三希堂之名是由那個做了六十年成日下江南的皇帝改的 (即係乾隆)，紀念他自己搜集到了三件稀世珍品。係邊三件？唔記得左名喇，好似都係啲宋代書法，自己去文化博物館參觀一次吧 ^^
展覽期至2017年10月15日。
************
U blog: 尤記。猶記FACEBOOK: 屋邨妹看世界
IG: yaukeeyk
沒有留言:
發佈留言