萬壽載德《清宮帝后誕辰慶典》

8 October 2017 (Sunday)

真係行過路過，唔好錯過。今日要去紅磡附近做野，約左奀仔飲個茶之餘趁有時間就去歷史博物館行下。

趕喺展覽完之前都睇一睇

>> 萬壽載德《清宮帝后誕辰慶典》<<

歷史博物館這個展覽是和文化博物館養心殿展覽互相呼應的 (See also: 八代帝居《故宮養心殿文物展》)

文物博物館介紹養心殿，這裡則介紹「清朝的皇帝皇后點樣慶祝生日」。

同現代人一樣，生日大約可分為四個部份：食乜、著乜、以及慶祝活動。

(1) 先講食，食物呢 … 就無喇。帶大家睇一睇精美既食具

食物盒

食物盒2

萬壽無疆碟

萬壽無疆碗

這個嘛  … 展覽介紹話滿人都好鍾意打邊爐架 ! 這是一人火鍋，同我鍾意去吉野家食火鍋應該都差不多 :)

碗

碗

(2) 睇完食具，又睇下慶祝生日點樣打扮同佈置好先   

係我最鍾意既白玉如意 … 真係不得了~

(3) 慶祝活動

現代人行街食飯睇戲，清宮帝后也一樣喜歡看戲的。

不過他們看的是戲棚裡做的大戲。生日黎講，大概會做些甚麼八仙賀壽的戲碼。

好喇，睇落去好似無乜特別啫？咪又係食個飯打扮下開心下。

重點來了，皇帝有一樣平民百姓無法擁有的，叫做特權。

天子生日可以有恩科 (在常設的科舉考試外加開考試)，policy-wide 地要全國一齊同你慶祝，羨唔羨慕先？

不過又睇返小小歷史，康熙同乾隆都係長壽之人，特別係乾隆，喺果度時代黎講可以活到 87 歲，真係好好命水。

*************************

U blog: 尤記。猶記

FACEBOOK: 屋邨妹看世界

IG: yaukeeyk