如果要為我既2017選出幾個代表詞彙，line friends 肯定入三甲。
繼2月台灣，4月首爾之後，光棍節既今天黎左個廣州一day遊，為既係一訪廣州正佳廣場既 line friends store & cafe。
承接高鐵宣傳廣告（包括official版同惡搞版），住大埔既小尤我今日一嘗由屋企出發，搭東鐵到羅湖站，轉和諧號到廣州東。
時間方面係咁既 :
11:16 – 大埔墟站月台等車。通常往羅湖既車比往落馬洲多，但咁啱就撞正有班不停站列車，要等一等。
11:22 – 大埔墟站開車
11:23 – 太和站
11:28 – 粉嶺站
11:32 上水站
然後好快就到了羅湖站，比想像中都唔算多人，好快就搞掂過關手續喇。不過小妺可能真係一段日子無返大陸喇，對過關程序都唔熟悉了。講緊大陸果邊，原來宜家過完Ｅ道要用回鄉卡再過多一次另一部機 (但不用check手指模)。
然後就去買車飛，印象中我應該係第一次自己買大陸火車飛 ……. 返大陸既經驗真係唔豐富。出左羅湖站去深圳火車站係好近的，大概就係九龍塘站東鐵綫轉觀塘綫咁。
我地用自動售票機。要準備既係：錢 （現金/支付寶/銀行卡） & 回鄉咭。留意返有啲機唔收現金，請準備好你既支付寶（如有），或者睇清楚先好排隊。
揀地點，數量，一等座/二等座/無座，然後 SCAN回鄕咭，跟手俾錢，搞掂。實名買飛呀下，張車票會印左你個名的，車費RMB 79.5 （二等座）。
我地買到12:10 車次，1小時19分鐘就會到達廣州東。
到達廣州東就轉廣州地鐵，火車站同地鐵站係相連的，有晒指示唔怕唔識行。
乘坐地鐵1號線搭一個站去到體育中心站。yes 到了！ 車費RMB 2。Btw, 入地鐵站時需要安檢哦。事不宜遲，到了體育中心站，找到正佳廣州出口，經過一個又似東門又似葵廣又似旺中既地庫商場，到喇到喇。
正佳廣場好大，商場指示分東南西北，對無乜方向感既香港人來說是有點不知所云的….
根據相片攝影時間，我地到達 line café 既時間係下午2時20分… 如果下次熟路了，應該就可以行得快啲。
我地兩個女仔，膽粗粗叫了一份雙人午餐及一份雙人下午茶。即係兩個人食四人份量，價錢共 RMB 246。不算平，但我敢講食物質素絕對沒有揸流灘，撇除 line friends 的吸引力，這間餐廳絕對可以 stand alone 以吃論吃同其他 café battle 一下。
起初人流不多，我地幸運坐到卡位，瘋狂影相。
杯緣子及Sally公仔需要自備~ 不過杯杯碟碟甚至濕紙巾都有line friends characters，滿意度100分。
三、四點開始人流多了，有保安在進入餐廳的走道守著，要有點餐才可進入用餐區。
悠閒地過了兩小時有多，動身到附近走走。逛逛line store 也逛逛周邊商場。
臨走到正佳廣場旁的 萬菱滙廣場 買喜茶喝。其實小妹我從來不會主動買手調飲品，不過遇到朋友興致勃勃推介，也令我很有興趣一嚐。我選的是金鳳茶王（輕芝士），哈哈哈，以我性格當然要選個名字很威風的。
回程時搭返地鐵到廣州東站轉和諧號。唔係講笑，唔知係星期六晚多人定咩，地鐵逼到痴筋，等車時朋友仲發現，唔對路喎，兩邊車門一齊開喎。幸好憑著多年來在金鐘九龍塘站等訓練出來的身手，總算有驚無險。
總結今日行程，真係輕鬆又開心。住東鐵綫大圍站以北既朋友，閒時返大陸行下真係唔錯。或者就算唔鍾意大陸，假日出外走走都確可以抒發下平時返工既鬱悶 … （咁當然有D人返工先係享受，各適其適，找到自己舒服的位置及生活模式就好）
*****************************
FACEBOOK: 屋邨妹看世界
沒有留言:
發佈留言