2017年12月28日星期四

郊遊系列 — 元荃古道石龍拱，10°C上山著乜好

2017年12月17日

今天又跟了康文署行山。

是日路線係A6元荃古道石龍拱，亦即係綠州網介紹既「田夫仔」

港安醫院 >> 下花山 >> 石龍拱 >> 田夫仔 >> 清快塘 >> 深井

今日亦係2017年冬天開始最凍既幾日之一 … 天文台發出了寒冷天氣警告，市區得10度，但我們居然上了山上食風。

介紹返，我既衣著係一件普通長袖底衫、一件行山通風款長袖裇衫、一件uniqlo運動風褸、一件uniqlo普通童裝風褸再加一條薄頸巾 ……… 下身係一條運動防風長褲。咁既衣著，其實係唔夠既。枉我前一晚仲口響響同奀仔講「唔怕啦又唔係上大帽山，應該夠既」。其實本身有諗住著埋件heattech 打底，但試著左上身真係覺得太焗，成個人企喺度都興晒，就換返普通底衫廢事咁重裝。

不過又認真講，行起上黎都唔係好凍，係停低等人集合呀小休呀果啲時間，停左喺度硬食山上疾風就比較凍一啲。至少我個身一直都夠暖，只係露出既一雙手就比較冰涼。

見到師兄師姐們戴晒手襪同暖水壼，真係覺得咁先算係充足準備。嘩喺山上果一口暖水，真係千金難買。郊遊經驗比較少，又怕熱又怕凍好難預算衣著…我會好好參考下今日經驗，下次就知道點著比較好，同埋要帶D乜野。其實山上真係好大風，著一件厚褸 (maybe 薄羽絨/抓毛衫之類) 再加外面擋風外套 + 頸巾手襪應該就比較好。如果好似我咁容易頭痛唔吹得個頭既可以加頂絨帽。而heattech .. 我真係唔知有無需要，下次可以試埋既。不過講開又講，戴了手襪(唔係攀石果種)就更加要小心行，因為雙手抓野應該無咁穩陣。而下身，一般黎講我都係著鬆身防風運動長褲，只要擋到風，行起上黎都唔會話太凍。時下都比較多人喜歡著貼身運動長褲行山… 我相信果啲款都係好保暖既。不過對我黎講，喺未練好個body shape之前都未係太有自信就咁樣著出街。喺香港行4,5個鐘既路線，我覺得以上咁樣應該好足夠架喇 … 但你話上大帽山睇結霜咁又可能唔同既。

講返條路線，其實沿路都鋪得又靚又整齊一啲都唔難行。只係上下山都比較多梯級，膝頭不好的要注意喔。

起點十分好找，交通也很方便，就在荃灣港安醫院對面。不怕遠的可以直接從荃灣站走過去喇….

起點！迎面而來有晨運朋友一號只穿單衣 + 短褲，覺得他很厲害對吧? 然後迎面再來有晨運朋友二號赤裸上身 …. 呢舖真係西伯利亞人冬天的冠軍…

續往下花山上走，景致都OK開揚，可眺望青馬與汀九橋。

繼續走繼續走 … 有水泥路與舖得平整的人工路徑任君選擇。

到了全程最高點 — 石龍拱

這條路線不走石龍拱，繼續往前向田夫仔與清快塘進發。

整段路指示都很清晰，心中有數。往下走的路都很輕鬆，要不是天氣太冷，心情應該可以更愉快。

差不多到終點前，在清快塘村有 bonus，係紅葉呀喂。小妹紅葉導賞員上身，介紹返，呢種係香港既楓香樹，同加拿大日本果D唔同架 babababa

看來今年氣溫下降得比較早，紅葉顏色不錯呢。如果唔夠凍，佢地係紅唔到架。

終點在望，係深井呀。哈哈，好像從來都沒甚麼機會踏足深井，知道有嘉頓，知道有糖水有燒鵝 … 另外呢? 好像還有浪翠園吧，然後就不知道了。

行程到此結束，期待下一次郊遊，謝謝收看。

Ref:

– LCSD – A6 元荃古道石龍拱

– 綠州田夫仔

******************

FB: 屋邨妹看世界

2017年12月23日星期六

葛量洪號：聖誕船上小派對

events.html

另外，原來從這個方向回望九龍，連綿的山峰是如此美麗~

期待2018繼續努力。

**************

FB: 屋邨妹看世界

2017年12月15日星期五

行山見到狗馬上掉頭走？(2)

上回說到行山遇見家犬的情況，今次分享下遇上野狗的經驗。

印象最深刻的一次發生在澳門。那時候還在讀書，假期與好友到澳門來個一天遊，打算步行上松山，先逛東望洋公園與燈塔，然後到另一面坐纜車下山。

可惜我們對澳門都不大熟悉，找了很久都找不到上山的正確路徑。然後很不幸地找錯路踏進了一個類似地盤的地方，我們還在猶疑，說時遲那時快，轉角處突然撲出一大群狗，就是有黑色有啡色還有混色那種唐狗，且吠且跑向著我們狂奔而來。雖然體型不算巨大也不算特別兇猛，但狗群的氣勢不容小覻。當時我們都驚呆了，知道是走錯了路，唯有面對著狗群一步一步往後退。

狗群來勢兇狠，但當見到我們後退，牠們也止步不追。當距離愈拉愈遠，有的甚至回頭跑回轉角處去消失不見。後來回想也覺得好笑，我們應該是誤闖了狗隻的地盤，踏過了某一條無形界線，引致狗隻群起驅趕我們。當我們一離開那條界線，狗隻知道我們不是入侵者，對牠們的威脅消失，我們的危機也解除。幸好有驚無險，哈哈。不過當一步步後退時也有想過最壞打算，如果狗隻繼續撲過來怎麼辦？跑就應該唔夠佢地跑，都係唯有隻揪架喇。當時還很天真地認為不會被狗群咬死，最多都係訓下醫院啫。

第二次發生在大埔碗窰，那天和奀仔逛過樊仙宮，打算隨便往山上再走走。然後又是不知走到哪個點入侵了狗隻的地盤，帶有驅逐意味的吠聲此起彼落。穩陣派的我倆沒有強求硬闖，識趣的從原路撤退。

後來從網上看多了別人分享，也自開始養狗後對牠們的習性親身了解多了那麼一點點。狗，是地盤性極強的動物。屬於牠們的地方牠們必定誓死保護，外來者不管是誰，吠叫是牠們責任。人也好狗也好，當然不排除有啲係顛的，不過一般而言，除非受到威脅，牠們傾向不會主動埋身攻擊。不進入牠們地盤，冷靜慢慢離開就好。

但若果不幸地，真的落單了被狗群圍，西式處理手法建議可參考《The Grey極地戰狼》。中式方法嘛，借本《射雕英雄傳》練練打狗棒法好了。

2017年12月11日星期一

郊遊系列 — D2 三峽連走會金督

又係屋邨妹我介紹康文署活動既時間。今日分享既係「行山BB班」，康文署行山樂活動。

康文署設有行山樂網頁專門介紹香港的遠足山徑。雖然相比起一眾山系blogger行山網頁等，行山樂當然係唔夠吸引，但我時不時都會睇返呢個網頁以作參考，政府網頁雖然沉悶啲，但資料應該係要最準確既。

行山樂網頁最令我欣賞之處是將遠足路線分了ABCD四大類 : 接觸大自然路線、海闊天空風景路線、歷史古蹟追蹤路線以及親子合家歡路線。每條路線不單附以編號，還配上一個滿有幻想空間的名字。例如我今天走的D2合家歡路線：三峽連走會金督 … 其實就是灣仔峽 >> 中峽道 >> 布力徑 >> 黃泥涌峽 >> 經金督馳馬徑往畢拉山道。

除了網頁提供資訊，康文署時不時會舉辦一次性的普及健體活動 — 行山樂。由各分區舉辦，活動費用四十大元，每次選一條行山樂路徑有領隊帶領，六歲或以上即可參加。如我上次參加騎馬日一樣，活動最吸引之處是有旅遊巴來回哈哈哈。雖然走的路線真的十分輕鬆(老少咸宜的公眾活動當然要顧及參加者的不同程度不能太辛苦…)，但包了車由自己區出發直達起步點真的很爽，更爽的是完成旅程時車子亦已在等候，輕鬆舒服程度我俾十分。

好喇，講返少少D2路線。這次活動是由北區主辦的，所以在龍琛路體育館集合。我由大埔出發到上水不算太遠啦可以接受～

一小時多的車程到達起步點灣仔峽，沿路輕輕鬆鬆睇下兩旁啲靚樓。呢個程度既屋我覺得已經唔可以用「豪宅」黎形容，在這個地段仲要咁有style，到底係要點樣先可以（喺香港）擁有一間? 感覺某階段的亦舒小說中的男女主角就要住在這裡吧… 甚麼寧靜路一號等等…

走不久到達行程最開揚處，下望海洋公園。可惜天公不太造美，灰蒙蒙的能見度不高。

(團友們在聽領隊講解..)

之後穿過一條林中小徑，再沿布力徑下走到大路~就在大潭水塘道休憩處大休了45分鐘，吃個午餐再繼續。休息時間看看周圍的建築 … 很好奇這是甚麼屋苑，怎麼底座荒廢成這個樣子!? 明明還有車子在停泊，照看是常用的，卻失修成這樣 … 水管生銹得像要爆裂。Google了一下知道上面是雅柏苑，來頭不小的，蘋果日報形容其為「少數望維港的南區豪宅，據聞風水甚佳」，業主曾包括馬榮成、賭王三太、利孝和夫人、俞琤等 …. 但看來底座應該是屬於公家設施，歸阿公維修。