莎莉一家看世界

2017年4月25日星期二

【首爾朝聖之旅】召喚鍾意line friends既朋友

朝聖呢兩個字，對飲曼聯奶水大既屋邨妹黎講，曾經以為起碼都係去奧脫福啦。

誰不知大下大下，仍未找到動力去英國，卻趁著復活節四天假期去了一趟首爾。

25歲第一次去日本，26歲第一次去韓國。呢個進度對~~白手興家~~自食其力既屋邨妹黎講算好好架喇。

好喇，廢話唔多講。果D咩櫻花景點有機會再分享，今次主力介紹返三間 line store。

去了四日四夜，行了三間 line friends 旗艦店，屋邨妹對行程相當滿意 hehee ~ :)

根據屋邨妹既遊覽次序介紹返 ….

(1) 明洞旗艦店:

中區明洞8Na街9(중구명동8나길9)，只有兩層。無line cafe，得外賣。
營業時間10:00 ~ 23:00，地鐵4號線明洞站6號出口直走左轉。

優點為位於明洞商圈，附近大把野有得你行。就好似去左銅鑼灣 or 西門町一樣。

呢間應該係最旺亦係最易搵既line store，基本上你喺明洞行街就會經過佢。

屋邨妹去既時候係四月十四日星期五晚，亦因為咁，人流比較多。

相對下舖頭雖然有兩層，但不覺得地方特別寬敞。

賣既貨品亦不見得比香港多款/便宜很多 …. 我，係略為失望既。結果喺呢間咩都無買。

(2) 新沙旗艦店: 江南區島山大路13街27(강남구도산대로13길27)

佔地B1到2樓，B1 層一半係舖一半係line cafe。喺度飲左杯cony沙冰十分幸福 :)

營業時間10:30 ~ 21:30，地鐵3號線新沙站8號出口。
優點為可以同時逛遍林蔭道的熱門商店與吃美食 … 簡單講就係附近都有街行有野買啦~

呢間都唔難搵，出左地鐵直行過大約兩個街口轉左就係。

呢度比起明洞果間舒服好多，二樓 choco room 啱啱裝修完。任何交易即送氣球乙個，結果屋邨妹整天就拎住兩個氣球周圍去 ………

我係期星期日早上去這間的，前一晚仲特別興奮期待 =3=
人流唔多我地逗留左幾乎大半朝。

認住呢個門口 :)

這是G/F，感覺闊落好多也好行好多。就是在這裡大破慳囊喇~

是我最愛的CHOCO & SALLY ! 粉紅色裝潢心都溶化了

這間店大啲，影相位也較多。

然後 … 到我超級鍾意的這個 area，實在忍唔住心心眼
可以同熊大熊妹一齊坐梳化真係超溫馨～
我去果日呢個位有職員幫手影相，然後佢會叫你望鏡頭。
喺對面牆有CAM即時錄段VIDEO加AR effect 可以選擇send 返去自己email。
咁你就擁有一段與熊大熊妹互動既短片喇=3333=

講到呢間咁好 ……. 以為我就最鍾意新沙洞呢間 ?! 咁就錯喇。

第一位最愛要出場喇 …

(3) 梨泰院旗艦店: 龍山區梨泰院路200(용산구이태원로200)

地鐵6號線梨泰院站3號出口，出左地鐵站一直向前行，行無幾遠見到紅紅地色果棟建築物就啱喇。

1樓到3樓，3樓全層為 line cafe (仲有toilet)。

營業時間11:30 ~ 23:00，週五週六延至半夜1點，營業到最晚。

我friend同網上資料都話附近無咩野行，事實上我亦無在附近行。齋睇line friends已抵晒。

這是大門口

好多影相位 ~

是我最愛的莎利 ….. ~^^~

梨泰院的 line cafe 好正，正在佢真係普通cafe 的 FEEL。
都適合慢慢坐低吹水飲杯野的。而且一心諗住件 cake 會難食架喇但佢都無欺場，加分。

廁所每一格都有 line 圖案 … :)

真係好靚好靚 ~

新沙買完之後喺呢度繼續買買買 …… 不過PLF果個 collection 真係太貴喇，完全不會考慮。

line 行程暫告一段落，謝謝收看。

************

U blog: 尤記。猶記

FACEBOOK: 屋邨妹看世界

IG: yaukeeyk

2017年4月2日星期日

不能錯過的金庸館

// 「凡有華人之處，就有金庸小說」

全港首個以著名作家查良鏞博士（筆名金庸）為主題的常設展館——「金庸館」，今日（二月二十八日）在香港文化博物館揭幕，透過三百多項展品，展示查良鏞博士武俠小說的創作歷程與貢獻。 //

(小小background : 香港化文博物館 – 金庸館)

3月內已參觀了兩次金庸館，但呢篇blog遲左打，因為由7歲起已係金庸迷既我花了一些時間去沉澱感受。

小時候由祖母照顧，長輩沒有太多氣力時間與我玩耍，很年幼已學懂以閱讀打發時間。說以金書作啟蒙是有點誇張，但我對很多中文字的認識(最佳例子：俞岱巖 …) 以至一些處世觀念思想，都是從金老小說處學來。

武俠小說雖以古代作背景，讀來卻一點也不過時。天馬行空的招式讓想像力無限奔馳。而最吸引之處是每一次重看，都會有一番新感受之餘也總會找到共鳴。

在我成長過程，看小說無疑是很好的娛樂甚至是心靈上的伙伴。

小學時覺得冰火島的張無忌與自己年齡相彷，想像自己會成為他的朋友；情竇初開卻又得不到所愛時很代入霍青桐的情感世界，都係陳家洛配唔起自己架喇；踏入職場後重看，突然被喬峰在杏子林中處理下屬叛變時的冷靜機智與手段迷倒。呢種充滿領袖風采既老細，去邊度搵。

而最重要，總有某些情節，無論重讀多少次都總會或淺或深地撼動心靈。以下兩個場景，每次認真地看，總會淚流不止。讓我節錄下來作個紀念。
第一係郭靖母親李萍以死助郭靖逃離蒙古，郭靖被蒙古兵追上時的場面

// 郭靖猶自遲疑，哲別道：「我只怕部屬不聽號令，這番帶來的都是你的西征舊部。你且過去問問，他們肯不肯貪圖富貴拿你。」　

郭靖牽著馬走近，眾軍一齊下馬，拜伏在地，叫道：「小人恭送將軍南歸。」郭靖舉目望去，果然盡是曾隨他出生入死、衝鋒陷陣的舊部將士，心下感動 … 眾軍道：「將軍待我等恩義如山，不敢有負。」郭靖嘆了口氣，舉手向眾軍道別，持槍上馬。//

第二段就係天龍八部，少室山上群雄大戰的經典場面

//「大哥、三弟，你們喝酒，怎麼不來叫我？」正是虛竹。他在人叢之中，見到蕭峰一上山來，登即英氣逼人，群雄黯然無光，不由得大為心折；又見段譽顧念結義之情，甘與共死，當日自已在縹緲峰上與段譽結拜之時，曾將蕭峰也結拜在內，大丈夫一言既出，生死不渝，想起與段譽大醉靈鷲宮的豪情勝慨，登時將什麼安危生死、清規戒律，一概置之腦後。

兩人相對拜了八拜，竟然在天下英雄之前，義結金蘭。//

好喇，書中內容有機會再暢談，先講返金庸館。

金庸館是常設展館，展出早期流通旳小說版本，照片，手稿等
也有很多與作者相關的物品，如金老的眼鏡，屏風等 (個屏風係幾靚架!)
比較有趣係一路播出歷年來不同版本的電視劇，
古天樂既楊過，朱茵既黃蓉，真係好鬼正。

比起常設展館，更吸引我的是限時展覽的畫展 …. 我沒看過金庸小說的漫畫，但見到一位位熟悉已久的人物以另一形象呈現出來，真係好正 =)　畫作將個人與小說人物的 connection 提升至另一層次。不過 sorry，展期於27/3已結束，拉落去睇相喇。